widgeo.net

2012/12/15

دموع بطعم اخر ( فى ذكرى فراق جدى الحبيب رحمه الله ) 18/2/2010



لأول مرة في حياتي تسقط دمعة اشعر انها تستحق بالفعل , في لحظة شعرت ان كل ما
مر من حياتي ما هو الا مهاترات , دمعة لفراق , دمعة لجرح , دمعة لفرح


كنت مستمرة في لهوي كعادتي , جائتني أمي تبكي , بل تنهار , دموعها نار تحرقني , لأول مرة اراها هكذا , احتويتها
بذراعاي , جسدها يرتعد بين اذرعي , ارتجف قلبي بين اضعلي


أماه ماسبب ذاك الحزن يقطر من عيناكي . . . . أماه لم لا تجبيني . . . . توقفت الكلمات علي شفتاه . . . وتحجرت الدموع في عيناي . . . لما هذا الاسي


الجميع يبكي بالخارج , ماذا حدث , لما الجميع مدركون ما حدث الا أنا


اهذا هو اليوم المنتظر , ذاك اليوم الذي اخشاه واتجنبه , يوم فراقنا الابدي مع جدي


من بعيد اري صدره يعلو يهبط , انه يتنفس , انه حي , حمدا لله , اذا ماذا حدث , لما البكاء يا أمي , اقترب بهدوء اري ماذا حدث


المشهد يفوق احتمالي , وقتها تمنيت الموت لجدي , نعم انتم لم تخطئوا قرائتها , تمنيت موته رحمة له مما يعانيه , ماذا حدث بين ليلة وضحاها


لا زال صوته يتردد في اذناي , ينادي باسمي , في ايامنا الاخيرة كنت اتجاهله كثيرا , كنت اغصب بعنف اذا اختار اسمي من بين اخواتي الثلاثة ليهتف به , كان يهتف استغاثات , وكنت احسبها مهاترات , كان يستغيث مما يعانيه من الام نفسية وجسدية , وانا ببساطة كنت اتجاهله


كان مثل الطفل الصغير ينادي ليلا ونهارا , يصفق بيديه نداءا بكل ما اوتي من قوة , وكنت اتزمر , كنت استنكر مايفعله , واتجاهله


حين وقعت عيناي عليه لم اتوقع ما آل اليه الموقف , فأنا اتذكر اني مررت بجواره امس ولم يكن هكذا , للأسف تذكر هذا بصعوبة لاني قلما كنت اهتم به , كرهت نفسي , وكرهت حياتي , كرهت انفاسي التي تتردد بداخل صدري


الجميع ملتفون حوله , نحاول بصعوبة اطعامه , نبحث عن الوسيلة بصعوبة , وعندما وجدناها تمزق قلبي لوعة وحزنا , اتدورن كيف , صراحة لن استطع وصف ذلك ولا اريد التذكر


لحظاته تمر امامي كشريط فيديو تجددت الذكريات في لحظات , يداه تربت علي كتفي في حنان , وعيت علي الدنيا وهو بجانبي , يشاهد خطواتي الاولي , حقا كان لي في صغري اقرب من ابي وامي , ومع مراحل كبري وانا افقد احتياجي له شيئا فشيئا , وفي غمرة ايامي , نسيت احتياجه لي , وبكل جفاء اهملته


ليس هذا فقط ما يحرقني , بل ذاك المشهد الذي رأيته عليه , ااااااااااه كم اتمني ان اصرخ بعلو صوتي واقولها اشعر بها تجسم علي صدري ,


سيأتي يوما علي واكون هكذا

يارب ارحمه واريحه مما يعانيه , يارب اعفي عنه وارفع عنه

ربي اغفرلي اي ذنب فعلته تجاهه يوما , ارحمني برحمتك يارب العالمين , اهديني واهدي قلبي لطريقك واشغلني عمن سواك

18/2/2010


20/2/2010 ذكرى وفاة جدى رحمه الله دعواتكم له بالرحمه والمغفرة

2012/12/03

فالرحيل هو الرحيل


فى كل الاشياء والانحاء اراك...
مهما حاولت الهرب من طيفك ...
فكل اشيائى لك بها ذكرى ...
فقد تخللت روحى بقدر اعجز عن وصفه بمجرد كلمات ...
او حتى الاف المجلدات ...
فكل شئ كان مصدرا لسعادتى امس .. .
اصبح الان سبب تعاستى وشقائى ...
كل ذكرياتنا الجميلة التى استطاعت وحدها ان تجعلنى اضحك وابتسم من قلبى ..
اصبحت اليوم هى كل الامى وجروحى ...
فمهما طال بنا الزمان ...
ومرت السنوات والايام ...
فالرحيل هو الرحيل...
والالم هو الحجيم ..
وان ارتدى الاف الاقنعة او انتحل الاف الشخصيات والالوان!

تمت 
22\4\2012
2:10a.m

2012/11/27

أبكيتني فضحكت



أبكيتني حتي نضبت الدموع وصار الحزن اشلاء
فلملمت جراحي وضحكت حتي البكاء ...

مزقت صورنا القديمة ومحوت اسمك من سجل الاحياء
لم يعد لك وجود في قلبي حتي ذكراك تاهت بين الاشياء
رحلت عنك وتركت ذاك الشئ الذي ينبض خلف قضبان صدرك كالسجناء ...

لم اعد ذاك الكيان المتناثر علي ارصف الطرقات
لم يعد قلبي يأبه لتلك السخافات والحماقات
لم اعد ذاك الطفل المدلل يعدو خلف معسول الكلمات ...

واذا مر طيفك امامي يوما اثار في نفسي مزيد من الضحكات
فالحب ينتهي من حيث تضحكنا المبكيات !!!


تمت
16/2/2011
1:50p.m

2012/11/22

لست ككل النســـــــــــــــاء



لست أجمل النساء ولا أطيبهن قلبا

لست أفضلهن ولا أعلاهن نسبا

لست أميز منهن ولا أفوقهن علما

لكن يكفي أني إنسانة

أحبتك

فكانت أغني النساء!ا


تمت
2:49p.m
15/7/2011

2012/11/18

أمواج جافة



عودة سريعة لذاك التشتيت الذاتي , لم يمضي وقتا طويلا منذ استعدت نفسي وتوازني , لا ادري سببا لتلك المشاعر المتضاربة التي تستعر بكياني


ربنا تأثير المخدر قد زال , ربما زحف الالم مرة اخري علي رمالي الصفراء , ربما تلك المشاحنات بالفترة الاخيرة هي ما سببت تلك التقلبات

ألقاني في اليم ثم قال لي : إياكي إياكي ان تبلي , شرعت افصل ذرات الماء كي افوق هزيم الامواج المتراقصة , تعاند باصرار لابتلاعي , اتحدي قطرات المطر المتساقط بعنف وكانها أحجارا

أيها الحلم الجميل , لما تبتعد عن أيامي , لا تشرد بعيدا وتتركني لالامي , اياك وهمسه تجرح السكون , اياك ونظرة تشي بالمكنون , فما اقسي الحلم المستحيل

اختبئ في صدر البحر ابحث عن دفئه القديم , اكتشف بعد طول عناء ان ظاهره ليس كباطنه

ماذا بك يابحر , أين حنانك المعهود , أين ذاك الوجه الذي يطل لي دائما , اين حضنك الدافئ الحاني الذي طالما ضمني وأزال عني مر الشكوي دون كلل او تعب؟

لماذا ذاك الوجه القاسي , أتتحدي وصفي لك , اتعاند تلك الفكرة التي اكتسبتها يوما عنك؟

آآآآآآآه يا ملاكي لما ذاك العذاب اتذوقه في احضانك؟ , كنا حين نلتقي يختفي الظلام , أين ذاك الامان شعرته يوما بين ذراعيك , وتلك الصورة الوردية التي رسمتها علي شواطئك؟

حقا لن اعاتبك كثيرا علي قسوة اللقاء , فلست انت المذنبا , وفي النهاية بقي سؤال حائرا : هل انتصرت ؟

ربما ~ تمت

7-3-2010
1:25 a.m

2012/11/13

بلا عنوان



لازم نفهم كويس اننا جزء من حياتهم حتى لو كانوا كل حياتنا ...

ماينفعش نحسسهم بالضيق لو طول وقتنا بنفكر فيهم وهم ينشغلوا عنا ..

 ولو قعدنا كتير نستنى الوقت اللى بنكلمهم فيه وبعدين يطلع مش نصيبنا ...

 وحتى لو مابنعرفش نتنفس بعيد عنهم لازم نديهم مساحة يتنفسوا بعيد عنا ...

 عشان لو فى يوم حسوا بضيق هنكون احنا اللى اتجرحنا :)

2012/11/10

تذكرة عودة






غفت عيناه وهو في الطائرة في طريق العودة بعد ان امضي 3 سنوات كاملة بالخارج ..
وبرغم غفوته سبح عقله وسط التساؤلات هل ستظل علي عهدها معه منذ ان سافر
‏ منذ رحيله ولم تغب دقيقة عن خياله ؟!
وكثيرا في عمله ما كان يشرد ذهنه لساعات وكانت هي بطلة خيالاته
هل سيجدها عند عودته كمان كانت , له وحده؟
لقد تغرب تلك السنوات كي تكون له
كان يتذكر عينيها الحانيتين وتلك الابتسامة الحزينة التي ودعته بها كان يهون عليه مرارة الغربة ومشقة العمل والان حان وقت العودة الان فقط سوف تكون له
سرت في جسده نشوة ارتياح حينما وصلت خيالاته الي هذه النقطة
تخيلها وهي تقف مرتدية فستانها الابيض مطأطأة رأسها خجلا والجميع من حولهم يصفقون ويهتفون . . . .

******

‏(‏ تعلن شركة مصر للطيران عن قيام رحلتها رقم .... المتجه الي لندن في تمام الخامسة مساءا نتمني ان .....)

افاق من ذكرياته الجميلة ناظرا في ساعة يده
فقد تبقي 5 دقائق علي قيام رحلته
نهض حاملا حقيبة وحيدة ثم القي صورة فوتوغرافية من يديه
كانت تضم حبيبته السابقة مع صديقه الوحيد
مرتدية ذات الفستان الابيض الذي طالما داعبه في احلامه

فقطع تذكرة الاياب وعاد من حيث اتي . . . .

تمت
8/10/2010
10:20 a.m

2012/11/03

بعبعة رآس كرمبة .. خيار وحرنكش





انا قعدت ادور على مقدمة ترفيهية ابدأ بها الحكاية بس بصراحة نظرا لانى مطبقة من امبارح فانا هختصر عليكم واحكى على طول بالاضافة لان القصة اصلا مش محتاجة اضافات : D
النهاردة وانا راجعة من الكلية ( حد فيكم يسألنى طب ايه اللى وداك الكلية بعد التخرج ؟ هرد واقوله طبعا لانى مجتهدة جدا ومن كتر حبى فى الكلية قلت انها هتوحشنى فقدمت دراسات عليا والحمدلله واذ فجأة تن تن تن ادركت حجم المصيبة لما دفعت ال(1500) المصاريف ولقيت نفسى بمضى على اقرار انى احضر بنسبة 80 % ان ان تششششششش .. انا اللى كنت بشوف مدرجنا بالصدفة هحضر محاضرات كل يوم :D ) المهم مش موضوعنا غلسة انا اوى صح ؟ :D
خلص اليوم الطوييييييييييل جدا فى الكلية وانا اتاوبت فوق ال100 مرة وانا بسمع لدكتور فاروق اللى صوته ينيم اكتر من حكايات ابلة ( فظيعة ) ..
 ركبت اول مواصلة الدنيا تمام وزى الفل وطبعا قضيتها نووووووم خخخخخخخ 
التانية بقى لسه بغمض عينى وفجأة ... صحيت على زعيق فى العربية .. هو يوم باين من اوله .. خير اللهم اجعله خير .. سامعة صوت حد بيجيب سيرة الفلوس قلت بسسس الخناقة المعتادة ... السواق يغلى الاجرة ولازم خمسة ستة فى العربية يتخانقو ...
اسمع كده تانى الاقى خير اللهم اجعله خير بيقولوا (محمد مرسى ) ! ... الله يخرب بيتك يامرسى انت ورانا فى كل حتة فى التلفزيون والفيس واليوتيوب وفى النوووووووووم كمان ...
احاول انى انام جاهدة ابدااااا .. واحد ( اخوانجى ) واقف فى اخر العربية (فوق ودنى ) وواحد (فلول) واقف فى اول العربية بعيييييييييد عرفت من النقاش ان اسمه مصطفى .... والاتنين عمالين يتكلموا ...
مصطفى يقول: الله يخرب بيتك يامرسى الطريق عمره ماكان بيقف كده ايام مبارك .
ابص الاقى نفسى خير اللهم اجعله خير ماشية فى طريق زراعى .. اتارى بقى لما (كوبرى طوخ ) وقع ..

الطرق كلها مقفولة وان السواق قرر وانا نايمة طبعا اننا هنمشى م على الجسر اللى هو طريق زراااااااعى ...
يرد الراجل اللى ورا ويقول : ياعم هى كل حاجة يخرب بيتك يامرسى هو يعنى هيجى يقف مكان عسكرى المرور ؟
ازاى وازاى بقى الشعب المصرى يسكت فى حالة خناقة مستعصية زى دى ... الاقلكم ايه بقى... واحد فل راخر يزعق فى ودنى التانية بعد ما الاولى اتخرمت :الثورة دى حاجة زفت اصلا الله يخرب بيتكم ياللى عملتوها ..
عملتوها ! هى حصلت هو حد قالك انهم عملوا ..... تييييييت محذوف للرقابة ...
اوبااااا ولعت اوى الحكاية اتنين ضد واحد .. بس طبعا كعادة الاخوان مش بيسكتو سبيشالى المتبرمجين منهم ... 
يقولك بقى ايه : الراجل يعنى يقطع نفسه .؟
مصطفى رد من اول العربية ويكأن صوته كان جاى من بئر سحيييييييييق ويقول : مرسى ده مالوش كلمة ده بغير كل كلامه فى نفس الثانية .
يانهارك مش باينله لون يامصطفى غلطت فى مرسى ؟!
قام عم الحاج اللى لازال بيتحدث فى ودنى قاله : لا لا لا لا ماتغلطتش كده اوعى تقول كده تانى .
قولت فى سر بالى : استغفر الله العظيم سامحه يارب ( مصطفى يعنى ) ازاى يغلط فى (سيدنا محمد مرسى رضى الله عنه وارضاه) !
الاقيك ايه بقى واحد تانى الظاهر كان نايم زيى وصحى على الخناقة يقولك : مرسى الله يخرب بيته انت عارف كيلو الحرانكش بقى بكام ب 6 جنيييييييييييييييه .
حرنكش ! حرنكش ايه ياعم الحاج انت جاى الجونينة .. ويدوس على جنيييييييييييه دى ويكأنه انه يعنى هيشترى دوا للعيال مش حرنكش !
المهم عمنا بتاع الحرنكش خلص الجونينة بتاعته لقيت اللى جنبه يقولك : ايه ياعم انت كمان الطماطم غااااالية حرنكش ايه ده ؟
ايوة كده راجل عاقل طماطم سلعة اساسية ماينفعش الواحد يعمل ملوخية من غيرها طبعا ...
ويكمل الرجل حديثه قائلا : ده بقت ب 5 جنيييييييه .
ووقتها بس حسيت ان العملة بتاعتنا زودولها ذيل من ال ( ى ) فى الاخر وقلت هبقى ادور على الموضوع ده عشان اثقف نفسى ..
اذا فجأة وقبل ان اكمل افكارى الاقى واحدة ست قاعدة بالطماطم وكاتبة عليها جنيه ونص وطبعا لانى بقالى فترة من قبل العيد مانزلتش السوق صدقت الراجل  .. اه يابن ال ... تييييييت  
وبرضه مادونيش فرصة اتهنى على فكرة الاقى واحد يرد ويقول : لييييييه ده الطماطم كانت فى اخر ايام مبارك ب10 جنيه دلوقتى اهى بجنيه ونص ...
ويكأن الطماطم هى مقياس نجاح رئيس الجمهورية .. ناس طيبين اوى اوى يا خال
 :D

اوبس الدنيا احلوت اوى كده الراجل اللى ورا لقى حد معاه فقام وقف وكأنه هيخطب بس قعد مكانه فى ثانيه الظاهر خاف حد يسرق الكرسى بتاعه من الناس اللى كانت واقفة فى علبة السردين اللى كنا راكبيها ..
تنحنح كده وقالك اديله فرصته وهو لحق يعمل حاجة استحملتو 30 سنة مش عارفين تستحملو كام سنة كمان ؟
مصطفى بينادى من اخر العربية كأنه كان بيلتقط انفاسه وقال : وهو العمر فيه كام سنة كمااااااان
 
 يخرب بيت حنجرتك يامصطفى ... !
واحد من مناصرين مصطفى قال هو الخيار اللى بناكله ده له لازمة ؟ 
قصده يعنى له طعم بس التعبير خانه : D
اختى اللى مابطلتش ضحك جنبى من ساعة ماطلعنا نطقت لاول مرة وقالت : ايوة ده فى السلطة بيبقى ايه ماقولكش .. 
سلطة ! ياريتك مانطقتى ياشيخة 
وتحولت العربية الى سوق كل واحد بيتكلم عن خضاره المفضل وبيطلع فيه العبر فى عهد الاستاذ الدكتور المبجل مرسى ...
وتقريبا كده الاخوانجى اللى كان ورا رفع الراية البيضا مؤقتا لانى سمعته بعدها بيقول ماهو هياخد قرض من البنك الدولى ( قصده طبعا صندوق النقد الدولى ) بس كل واحد وثقافته ...
رد واحد جنبه :ايوة وهى القروض دى مش حرام ياشيخنا ؟!
اوبااااااا الراجل اتزنق وعشان يفك من الزنقة دى قال : ده الفايدة 1.5 % بس  !
يانهار مزحول ! انت جايب معلوماتك من ( ماتزوقينى ياماما ؟)
قلت فى سر بالى داهية لايكونو فاكرين ان ( البنك الدولى ) ده مصباح علاء الدين ؟!
وطبعا اثرت السلامة كالعادة ومارضتش اتكلم عن مساوئ الاقتراض من صندوق النقد الدولى لانى طبعا لو قلتله انه بيشترط تعويم الاسعار وتركها لقوى العرض والطلب ورفع الدعم من على السلع والخدمات  وعدم تدخل الحكومة مطلقا فى تحديد الاسعار وده معناها اننا هنبقى رسمى مجتمع رأسمالى والاموال هتتركز فى ايد الطبقة الغنية والطبقة الفقيرة هتزداد فقرا والبقية الباقية من الطبقة المتوسطة هتتلاشى تماما.. هيبرق ويفتح بقه زى العبيط ويقوله هاااااااااااااااااه !
فقلت يابت خليك فى حالك لحد ما (قطيع الوز ) اللى كان بيعدى الطريق ادام العربية ده يعدى وبعدي نقعد نبكبك كلنا ...
شوية ولقيت واحد كده واقف من الواضح انه بيحب المحشى جدا بيقول : طماطم ايه وحرنكش ايييه ده انتو عارفين رآآآآس الكرنب بكام؟ !
طبعا انا ماكنتش عارفة فسكتت يمكن يقول .. ماقالش حاجة برضه ويكأنه كان بيسأل سؤال استفهامى مش استنكارى ومستنى حد يجاوبه ..
وطبعا دعا على المرسى بكلمتين من اللى قلبك يحبهم عملا بمبدأ اللى يجى (جنب الكرنب اشرحه )
دقايق قليلة وتحولت العربية الى (سويقة بلدى معتبرة ) وكل واحد فى نفسه كلمة يقولها قبل مانوصل طبعا وكل واحد يروح لحاله ازاى وازاى يروح ونفسه فى حاجة ؟!
شوية ولقيت غيط كرنبببببببببب احمدك يااااارب ماعرفتش اسكت بقى ساعتها قلت لاختى : شوفى الراجل راس الكرنبة ده وقوليله فى كرنب ببلاش هنا ...
الظاهر ان بتاع الحرنكش زعل ازاى وازاى نقابل كرنب وحرنكش لا لقيته بيقول : بس مافيش حرنكش ! 
حسيت الدمعة هتفر من عينه حزنا على الحرنكش فقلت اواسيه بكلميتن قولت ( برضه فى سر بالى يمكن يفهمنى بالتخاطر ) : معلش معلش النخلة دى هتطرح حرنكش دلوقتى ! 
ايوة ماهو ده (غيط ) سليمان !
ومن بين الهمهمات سمعت مصطفى ادام بيقول ان مش عارف مين بياخد مرتبه 20 الف يورو !
 ينهار مزحول هى مصر دخلت  الاتحاد الاوربى امتى ؟؟
والحمدلله الحمدلله الراجل اللى كان عامل الخناقة دى كلها نزل بعد ان وصل الى ارض الوطن سالما .
بس الغريبة ان الناس ماسكتتش !
واستمرت السويقة نص ساعة كمان انهمكت فيها فى محاولة افهم كلمة بعد 20 الف يورو مافهمتش ! 
تفتكرو غباء منى ولا ذكاء من الاخرين ؟
ماعلينا .. شوية ونزل الراجل الاخوانجى اللى كان بيتكلم فى ودنى ..تنهدت بارتياح الحمدلله ..  

وقلت فى سر بالى : والنبى ياجماعة ماحدش ينزل نفسه فى حاجة اللى عاوز يقول اى حاجة يقولها قبل ماينزل اصل ودنى لسه فاضل فيها حتة ماتخرمتش !
 
واتارى اللى قاعد جنبه اصلا صاحب مصطفى وبكل ما اوتى من حنجرة : يامصطفييييييييييييييييييييييييي .
يخرب بيتك انت ومصطفى فى ساعة واحدة !
تعالى اقعد هنا فى مكان فضى ... وطبعا الطرقة كانت على اخرها ومصطفى ماعرفش يعدى وحد نهب مكانه وفشل صاحبه فى انه يحجزهوله ..
واستمرت محاورات مصطفى وصديقه عبر ودنى اللى اتخرمت قبل كده اصلا !

نزلت من العربية وانا ناوية اروح لاقرب دكتور انف واذن وبقول :
يخرب بيت الماجستير والكرنب والحرنكش والخيار والطماطم فى ساعة واحدة.

تمت
3/11/2012
9:42p.m

2012/10/25

عيد اضحى سعيد .. كل عام وانتم بخير

 ودى بقى العيدية كل سنة وانتم طيبين ^_^








2012/10/15

على عجل


احلم به يعاتبنى دوما ..
لان اكثر ما يقلقنى هو ألمه !

********




لا اذكر انى قد خضت فى بحور الحب مثلما غرقت فى بحر هواك ..
 او ان قلب توغلنى مثلما انت ..
 لست ادرى كيف احبك .. 
ولا متى احببتك .. 
فقط اشعر انى ولدت حيث اراك ...!

**********

 

2012/10/09

عشق مختلف







لا تخاطبني بلغة الشفاه فانها كاذبة‎
ولا تخاطبني بلغة العيون فربما كانت خادعة‎
لا تقول احبك فلكم قالها قبلك عاشقون وموهومون ومخدوعون ‎
لا تحتويني بذراعيك فكم من أحضان باردة‎
ولا تقبلني بشفاهك فكم من قبلات دامية‎

اعشقني عشقا لم يسبق في التاريخ‎
اريد كل شئ معك مختلف عن الماضي‎
اسكن داخلي حتي اشعر بك في نبضاتي ‏,‏ في همساتي ‏, في انفاسي‎

لا اريد عشق قيس ولا اريد ان اكون ليلي‎
لا اريد شعر عنترة ولا اريد ان اصبح عبلة ‎
ولا اريد ان اتوج ملكة علي عرش قلبك‎

اريد اشياء لم توجد من قبل في الوجود‎
اريد ان نصبح قلبا واحدا وليس اثنين‎
هل وجدت يوما احد يقول لنفسه احبك ؟‎
هل تحدثت الي نفسك من قبل او احتضنتك او قبلتك؟‎

هكذا اريدك ان تكون ‏,‏ انفاسي ‏,‏ صوتي واحساسي , وحتي صمتي وجنوني وعشقي واحلامي‎

اريد ان ابتعد عن كل شئ لا يخصك في هذا الوجود ‎
اريد ان انفصل باحاسيسي عن كل شخص الاك ‏,‏ فلا اشعر تجاهه باية مشاعر , حب , حنين , دفء او حتي كراهية وجراح ‎

لنكن انت وانا قصة لم توجد من قبل‎
فلتحذف ايها الوجود جميع الاسامي من سجل العشاق وتكتب اسما واحد‎

اسمنا‏!‏‏!‏‏!‏‎

تمت

2012/09/20

مقتطفات دموع القمر

ازززززيكم وحشتونى كتيييير .. على فكرة انا مش جاية لوحدى^_^ جاية ومعايا اخر كتابات توتاااا الجميلة  ( دموع القمر )  


على فكرة بتسلم عليكم كتييييير وبتقولكم وحشتوها اوى وادعولها عشان ان شاء الله بعد كام شهر ربنا هيرزقها بنونو زى القمر... ودلوقتى هسيبكو مع الخواطر الرقيقة :)

 
سألته اى نوع من النساء ترانى ...
فأجاب بإبتسامه حانيه ...
 رقيقه حسناء ...
كالبدر زهراء ...
عندما تتحدث ارى ملامح الذكاء ...
وعندما تصمت ارى حكمه سبحان الخلاق ...
هذا من صميم قلبى لانفاق ولا رياء ...
لانى حقا لم اجد مثلك فى عالم حواء ...

 *********



 منذ ان احببتك ,اعلنت إكتفائي الذاتي عن بقية العالم ...
لذلك لاتسألني كل ليله ...
مع من قضيتِى يومكِ ؟!
فمادمتَ انتَ كلَ الوجودْ بالنسبه اليً فـبالتأكيد ...
لم يكن فكرى مع سواك..

 *****


سألته على استحياء كيف كانت الحياه بدونى .....
فأجابنى بلا تردد تركت قلبى بجوارك وذهبت فكيف لى ان احيا بعد !

 *****

 

 

2012/09/16

لا يكترثون



(‏1)

أُناس يتساقطون ..

بعضهم يترك مكانه خاويا ..

نتسائل لماذا ؟ ويتسائلون ..

واخرون يكسبون ثقة بلا حدود ..

فالحب والاحترام لا يغني كالشعارات ..
انه فقط يظهر في كل الحركات والتصرفات ..
وحتي الصمت والسكنات ..

حاولنا ويحاولون ..
منحنا كثيرا كثيرا وفي النهاية لا يهتمون ..
امامنا او خلفنا فينا يعيبون ..
مرارا وتكرارا وفي غفرانا يطمحون ..
او انهم ..
حقا لا يكترثون !

‏(‏2)

وان عادوا او عدنا مرات ومرات ..
فلن يشفي الجرح الآف الكلمات ..
فهم بجراحنا يفرحون !

يتعمدون عدم الاهتمام ..
ليقنعونا ان السلام بيننا اوهام ..
وبان القرب منا هم لا يريدون ..

استخدموا شتي ادوات الاهانة ..
ويظهرون في وجوهنا البراءة والامانة ..
ومن خلف اقنعتهم يسخرون ويضحكون ..

لست ادري هؤلاء اي أُناس ؟!
وقد ظنناهم يوما قلوبا كالماس ..
أهم حقا يعشقون اوجاعنا ؟
او انهم ..
حقا لا يكترثون !

‏(‏3)

سأنهي كلماتي الجريحة الان ..
فما عاد فيهم طيف امان ..
سنصمت ونتركهم وما يفعلون ..

سنتظاهر السذاجة ونمنحهم اجمل الابتسامات ..
نعلو اصواتنا بالآف الضحكات ..
ونظهر لهم ما ينشدون ..

سنتحمل مناوشاتهم ..
ونبتلع اهاناتهم ..
ونحتسب عند الله اجر الصبر ..
واليه يوما سيعودون ..

سنصمت كثيرا كثيرا ..
عل الزمان يكشف قناعهم ..
وما في انفسهم يضمرون ...

هل ارادونا يوما ؟
اما انهم حقا ..
لا يكترثون !

تمت
3:18p.m
16/9/2012

2012/09/14

بلا عنوان



احيان كثيرة اتمنى لو افصل قلبى عن جسدى...
 حتى اقوى على الغضب منه !

فلا ابوح له بسرى الدفين ...
ان قلبى منه حزين ...
وجروح النفس تئن ليلا ...
ولا دواء لجروحى ...
ولا كلمات تنهى الانين !

اعشقه وهذه مأساتى ..
ولمين ياترى اروى حكاياتى ..
ولقلبه فقط يخطفنى الحنين !

ولعينيه تهفو نفسى ..
واليه المشتكى ولو بعد حين ..

اشكو منه اليه ..
اسكن كالطير بين يديه ..
فلم اعرف لى مستقر الاه ..
منذ سنين وسنين ..

تمت
914/9/2012
1:29am

2012/09/07

ذكرى ألم

 

 وتظل الاماكن القديمة تذكرني بهم ..

ايامهم تأبي ان تتركني وشأني ..

وذكراهم تحاصرني , تطاردني اينما ذهبت ..

يجتاحني الحنين ليلا كعاصفة مثل برودة ليالي الشتاء الخاوية ..

وصورهم تعرض امامي شريط متواصل من الذكريات والآهات..

وانا لازلت وحدي الملم احزاني المتناثرة في غيابهم ..

فبربك ايها الزمان العنيد ..

هلا تركتني وشأني؟!

هل من نسيان قريب ؟!


 

2012/09/02

لست بخير



اشعر ان الدنيا ليست بخير .. فقط حيت تكون الامور معها ليست بخير !



2012/08/21

فرحة العيد



الواد ده عمر ابن اختى


والواد ده يوسف ابن اخويا


والعيال دى داخلين المسابقة دى


وعشان يكسبو محتاجين تصويت كتييييييييييييييير
تعاطفك لوحده مش كفاية اتبرع ولو بصوت واحد هيفرق كتير :D:D

 للتصويت ادخل على رابط الصورة واضغط على لايك ثم كلمة تصويت

2012/08/20

عيد فطر سعيد





عيدكم مبارك

2012/08/08

اشتياق من وسط النيران \ ذكرى ايام الثورة


ولأنى فى قمة شوقى اليها اعود لانشرها من جديد



ربما خلت تلك الكلمات من الاسلوب الادبي الذي اعتادتم قرائته , فهي رسالة لشخص بعينيه , فلتعتبرونها مجرد همهمات


عدت اقلب في دفاتري القديمة كعادتي كلما خلوت بنفسي وضاق صدري وضاقت بي الدنيا

بعد فترة عنيفة من الاضطرابات والاجهاد النفسي والعصبي

حينما حل الليل وخلت الطرقات من البشر والاصوات قبل وقتها المعتاد بساعات

عدت ابحث عن شئ وحيد يطمئن به قلبي ....

فقليلون هم من يستطعون بطيف كلماتهم انتزاعك من اقسي لحظاتك ضيق وحزن !!

وبعدت ساعة من البكاء انسابت فيه دموعي في صمت ووحدة ومرارة لم اشعر بها من قبل ...

اخترقت تلك الابتسامة والدقات تشق السكون ...

دقة لا يخفقها قلبي الا حينما اشعرها بجواري , حينما تتردد كلماتها في اذني ...

مرت فترة طويلة ولم يتهادي قلمي بكلمات في حبها ...

فخطت يداي تلك الكلمات رغم كل الظروف ورغم كل ما امر به ...

حبيبتي ...

اشتاقت اليك كما لم اشتاق من قبل , اشتاقت لكلماتك وهمساتك وابتساماتك

اشتاقت لحضنك الدافئ ولمسات اناملك التي تمحو من قلبي كل الهموم والاحزان !!

لا زلت اذكر اشراقتي حينما تقابلنا وحينما جلسنا وتحدثنا

فكلماتك وحدها تزيل الالم من داخلي !!

اشتاقت لايامنا الماضية وذكرياتنا واحلامنا

اشتاقت لحبك وحنانك ودفء احضانك

حبيبتي ...

ازيلي عني تلك الهموم فما عدت اتحمل مايحدث

اسرقيني بنظراتك من جديد وابتعدي بي عن تلك الاضطرابات والاحزان

توقف القلم وجفت الدموع ولازلنا علي بعد مسافة من اللقاء وماتبقي لي غير اشتياقي وحنيني لعينيك !!



تمت


31/1/2011
9:30p.m
اهداء : ‏m.s

2012/07/25

من يومياتى فى المسجد

 
كم افتقد حينما كنت فى الرابعة من عمرى حينما كنت استيقظ فى صباح يوم الجمعة كى اخرج مع ابى للصلاة لاسمع تلك الخطبة التى يلقيها كل اسبوع ..
 لم اقتنع يوما بكلام امى حينما كانت تقول لى ان اجلس واسمعها من المنزل ... 
فقد كنت اصر دائما على ان اراقبه من نافذة المسجد التى كانت تعلونى ببضع سنتيمرات واظل احاول واحاول الى ان اتشبث بحافة النافذة طوال مدة الخطبة ... 
لم انسى يوما ذلك اليوم الذى صعدت اليه على المنبر فى منتصف الخطبة لاطلب منه (جنيه) كى ابتاع لعبة مثل التى بهرتنى فى يد ابنة جارتنا ^_^ لازلت اتذكر تلك اللعبة جيدا واعشقها بشدة لانها دائما ماتذكرنى بايام طفولتى .. 
حقا ما اجملنا حينما كنا صغار .. 
ما اجمل براءة الاطفال :)

من يومياتى فى المسجد وانا فى الرابعة من عمرى
10:07p.m
 اهداء : لابى وامى الاحباء <3

2012/07/21

رمضانكم مبارك



كل عام وانتم بخير :)

2012/07/16

اليك قلبي وكل عمري



اشعر بتلك الرغبة التي تجتاحني كلما شعرت بالحزن والآسي ..

ان ادفن رأسي في صدرك وابكي ثم ابكي حتي تنضب دموعي ..

 فترفع وجهى برقة وتمسح دموعى باصابع حانية ..

وحينها فقط اشعر ان هموم الدنيا تزول تحت قدميك ولو كانت حد الجبال !
 
تمت
5:08a.m
8/7/2012

Related Posts Plugin for WordPress, Blogger...

Template by:

Free Blog Templates