2010/11/24

احلي تدبيسة من أرق مرمورة^ _ ^ / اعترافات



السلام عليكم ازيك ياشباب وياشابات ويا كل البشر ‏,‏ جيت احل احلي تدبيسة دبستني فيها مرمورتي الجميلة اصلها بتحبني اوي ^ _ ^ فربنا يستر عليا وعليكم , يلا بينا نبدأ‎



أعترف اني بقلق علي الناس اللي بيهموني جدا وبتدخل في حياتهم بشكل يدايقهم وساعات بسمع كلام كتير يجرحني بسبب تدخلي ده‎

اعترف اني بحب الضحك والهزار لكن بحدود ولكل مقام مقال‎

أعترف اني بحب قاعدة البيت جدا وبخرج اوقات بسيطة لكن اما بخرج بنطلق وبشتاق كل فترة لخروجة تحسسني اني طفلة تاني زي ملاهي او حدائق عامة‎

أعترف اني شخصية هادية جدا بحب الهدوء وبكره العصبية والصوت العالي بس أما بتوتر واتعصب ببقي وحشة اووووي‎

أعترف ان لي اصحاب كتير جدا واني اجتماعية اوي وباخد ع الناس بسرعة وده ساعات بيسبلي مشاكل كتير‎

أعترف اني رومانسية جدا في كتاباتي وحالمة لأقصي الحدود أما في الحياة فانا واقعية جدا بحكم عقلي قبل قلبي ‎

أعترف أني مريت بظروف صعبة جدا في فترة معينة اكتشفت انها بعد عن ربنا سبحانه وتعالي وبعدها حاولت اصلح كتير والحمدلله وصلت لدرجة معينة بس اكيد بحاول اكون اكثر قربا واطمئنانا‎

أعترف اني أتمني انسان ارتبط به يكون قلب زوج وعقل الأب ومرح الأخ وحنان الحبيب‎

اعترف اني مخلصة لابعد الحدود وزوجي باذن الله هخليه اسعد انسان في الدنيا‎

لي قليل من الاصدقاء الخصوصين اقربهم أمي وأرق فرأشة في الوجود , فراشة زرقا‎

اعترف إني بحب موسيقي الكلاسيك جدا ونادرا ما بسمع أغاني ‏‎

أعترف اني بحب افلام الرعب جدا وفي الاخر بيجلي كوابيس ^_^‎

اعترف اني عندي نزعة حب القيادة والسيطرة علي اي موقف وده أحيانا بيسببلي مشاكل التسرع المعتادة ‎

أعترف أني غيورة جدا علي اللي بحبه بس نادرا ما الغيرة دي تعمل مشاكل لاني مابصعدهاش‎


كفاية كده عليكو بقي زمانكم زهقتو مني ‏:‏)‏‏)‏‎

السلام عليكم‎

Comments
42 Comments

42 comments:

الحب الجميل said...

اعترف انك خجوله وكل ما تشوفينى اون لاين على الفيس تتكسفى تكلمينى
العصفورة قالتلى
هههههههههه
ابقى كلمينى
اعترافاتك كلها جميله يا كارمن يا قمر
ربنا يوفقك ويسعدك فى حياتك يارب
فكرتينى بنفسى بحب افلام الرعب وفى الاخر معرفش انام وافضل الف فى البيت وادور تحت السراير
ههههههههههههههه
تحياتى لإعترفاتك العثل

اسماء عبدالعزيز said...

كارمن الجميلة
اعترافاتك كلها تنم عن انساسة حساسه جدا وذات زوق رفيع ونفس طيبه
واكيد كل اصدقائك بيحبوكي جدا رغم تدخلك في خصوصياتهم لانها اكيد من شدة خوفك عليهم
كوني بخير
والله يعطيك خير ما تتمنى

karmen said...

الحب الجميل

هههههههههههه العصفورة سيحتلي اوام كده :))) ماشي ياعصفورة اما اشوفك بس ^_^
اكيد هكلمك حبي باذن الله بس انا كنت بستعد :))
نورتي ياقلبي
تحياتي

karmen said...

اسماء عبدالعزيز

ربنا يخليكي ياحبيبتي ده بس من ذوقك ورقتك
والله انا بس بكون قلقانة مش بقصد ادايق حد
تحياتي لوجودك الرقيق

الحب الجميل said...

بتستعدى ليه يا بنتى ؟؟؟
هو انتى داخله حرب معايا

ههههههههههههههههههه
عثوله والله

karmen said...

الحب الجميل

مش كل فعل له رد فعل مساوي له في القوة ومضاد في الاتجاه :)) افرضي دخلت انا داخلة قوية تخافي مني وتضربيني:))))

karmen said...
This comment has been removed by the author.
الحب الجميل said...

ههههههههههههههههه
لا مش تخافى منى مش بضرب انا بعض بس

شيرين سامي said...

اعترافات جميله بجد مبسوطه اني اتعرفت على انسانه خجوله و رقيقه زيك و صاحبة أصحابها باقة ورد ليكي يا أجمل كارمن:))

Dr/ walaa salah said...

اعترافات جميله يا كارمن

بس ازاي واحده رومانسيه زييك بتخلي عقلها هو اللي يتحكم في امورها في الواقع

ربنا يرزقك الزوج الصالح اللي تتمنيه يا حبيبتي

فــرآشـة زرقــآ said...

السلام عليكم .

صدقتِ قولاً غاليتي .
إجتماعيييييييييييية جداااا :):) ..
وصديقتي الصدووووقة ..♥♥
وأجمل وأرق بنوتة {♥} ..

خالص حبي وإشتياقي يا ذات القلب الذهبي وقمري المضيء دائماً ..

فـرآشتـك ..

سندباد said...

هدوءك ورمانسيتك واحساسك الجميل واضح جدا في كتابتك انا سعيد باني اتعرفت علي شخصية زيك وسعيد باننا بنشترك في الكتابة وبعترف اني بستفاد منك كتير
شكرا علي اعترافتك وربنا يجع ايامك كلها خير
تحياتي

Casper said...

اعترافاتي كانت اقوى برضه
ههههههههه

========

اعترافات جميلة وصادقة ايضا
بالتوفيق لكِ كارمن

تقبلي مروري
Casper

عباس ابن فرناس said...

اعترفات
لابئس بها ههههه
مقبولة بكل تاكيد
تحياتى

mrmr said...

ربنا يرزقك بان الحلال اللى ترطبتى بيه يكون قلب زوج وعقل الأب ومرح الأخ وحنان الحبيب
انتى انسانه رقيقه قوى يا كارمن
وانا سعيده انى دبستك فى الاعترافات دى علشان اكتشف الشخصيه الحبوبه الجميله دى
واتمنى اكلمك واتعرف عليكى اكثر
اول ما اشوفك على الفيس ح اقبض عليكى على طوووول
سلامى لارق واجمل كارمن‎

eng_semsem said...

اعترافات زي العسل وبتقول انك قمر طيبه وبتحبي صاحبتك وبكره ربنا يسعده زوجك بس ابقى اعزمينا على الفرح وربنا يسعدك وترحمي نفسك من افلام الرعب
تقبلي تحياتي

karmen said...

الحب الجميل

ههههههههههه ربنا يستر ده يوسف بيهريني عض مرة كل صباعي :))))

karmen said...

يوسف ده ابن اخويا علي فكرة وبمناسبة يوسف احب اعترف

اعترف اني بعشق الاطفال وبراءتهم وبنسي نفسي معاهم ونفسي في بنوتة تبقي صاحبتي جدا واتفرغلها تماما

يلا اعتراف كنت نسيته اهو:))

karmen said...

شيرين سامي

انت القمر كله ياجميل شفتي بعاكسك اهو حطو في الاعترفات بحب اعاكس البنات الحلوين :)))
نورتي ياحبي

karmen said...

Dr/ walaa salah

عشان اما كنت عايشة بقلبي اتجرحت اللي اتلسع من الشوربة ينفع في الزبادي :)))
ربنا يخليكي ياحبي
نورتيني

karmen said...

فــرآشـة زرقــآ

وعليكم السلام ارق فراشة
اكيد ماحدش هيعرفني ادك واكتر من نفسي كمان
ربنا يخليكي لي ياقلبي
وتفضلي منورة حياتي علي طول

karmen said...

سندباد

تسلم سندباد ربنا وحده اعلم انا كمان بعتز بصداقتك اد ايه وربنا يديم الود بينا
وكمان فخورة اني بكتب مع قلم متميز زيك
خالص تحياتي

karmen said...

Casper

خلاص ياسمسم خلي الطابق مستور :))) هبقي ازود كام اعتراف كده ^_^ بس ماتفتنش علي :))))

نورت ياسمسم
تحياتي

karmen said...

عباس ابن فرناس

نجحت يعني وهتجبولي شوكولاته :)))
نورتني

karmen said...

mrmr

وانا كمان مبسوطة جدا اني بتكلم معاكم بجد حاسة اننا اسرة واحدة وبقضي معاكم احلي وقت
انا كمان نفسي اتكلم معاكي اكتر ولو ماعندكيش مانع ضيفي ميلي اللي علي الفيس
تحياتي لارق مرمر في الدنيا

karmen said...

eng_semsem

ربنا يخليك يا استاذ اسامة وبالنسبه لافلام الرعب اوعدك هحاول بس ما اوعدكش اقدر ^_^
نورتني ويسعدني وجودك دايما
تحياتي

حرّة من البلاد..! said...

كارمن
اعترفات جميلة
من الجيد اننا نتعرف على انسانة رقيقة وجميلة مثلك
تحياتي لك يا عذبة

من كل بستان زهرة said...

حلوة اوي اعترافاتك يا كارمن
حاسيت انك بتكتبي عني في حاجات كتير

أسعدك الله

خواطري مع الحياة said...

السلام عليكم
واخيرا تعرفت على شخصية اجمل وارق صديقة
انا حبيتك من قبل مااعرف شخصيتك من اعترافاتك
فما بالك لما عرفت الان الشخصية كويس اوي
طيبة ورقيقة وبتحب السيطة يعني زي
عنيده امشي كلامي
ههههههههههه
تقبلي مروري
سلامي لاجمل وارق بنوتة.

هبة فاروق said...

اعترفافاتك يا كرملة فكرتنى بنفسى انا زيك بحب الهدوء وقاعدة البيت والضحك والهزار لكن اصحابى قليلين لكن معاكى شعرت باحلى صحبة دمتى مبدعة يا كرملة

Tears said...

كل ده بيدل عن ان جواكى طيب يا كارمن و حساسةاوى


دمتى بخير :)

karmen said...

حرّة من البلاد

تسلمي ياقلبي ده من رقتك وذوقك
نورتيني ياحبي

karmen said...

من كل بستان زهرة

ده من رقة احساسك عشان كده حسيتي بكلامي
نورتيني ياحبي
تحياتي

karmen said...

خواطري مع الحياة

العناد ده شئ صعب اوي فعلا بيوقع في بلاوي^_^
ربنا يخليكي ياقلبي انا كمان حبيتك اوي وشرف لي اننا اصحاب ربنا يخليكم لي دايما
نورتيني حبي

karmen said...

هبة فاروق

تسلمي حبيبة قلبي انتي رقيقة وجميلة جدا ومبسوطة اوي بمعرفتي بكي
نورتيني ياحبي

karmen said...
This comment has been removed by the author.
karmen said...

Tears

انت ارق حبيبتي نورتي الصفحة
تحياتي الحارة

karmen said...
This comment has been removed by the author.
rose said...

رقيقة دائما كارمن
تسلم ايدك

karmen said...

انت الارق ياقمر تسلميلي
نورتي حبي
تحياتي

Ms Venus said...

لازم اشكر مرمورة على التدبيسة دى

علشان كانت السبب انها تعرفنا بيكى اكتر يا ارق كارمن

شخصيتك جميلة ورقيقة يا حبيبتى

ربنا يسعد ايامك دايما

وردة لعيونك

karmen said...

Ms Venus

الرقيقة دائما فينوس
انا اللي مبسوطة بجد عشان بتكلم معاكو من قلبي
نورتيني حبيبتي
تحياتي

Post a Comment

عذرا على التاخر فى الرد على التعليقات ولكنى حتما ساعود لارد عليها لاحقا .. حقا اسفة بشدة

Related Posts Plugin for WordPress, Blogger...

Template by:

Free Blog Templates