لحظة ألم .. لحظة أمل

لما الواحد بيعيش لحظة ألم بيخاف اوى ,, الخوف اكتر وجع من الألم نفسه ,, الخوف من كل حاجة ممكن توصلك لنفس اللحظة تانى ,,

 ومن تانى بيضيع حاجات منه ممكن تكون افضل له ,, بيخاف يضيع سنين من عمره وتنتهى بنفس المصير ,, يخاف يقرب وهو مش واخد باله انه بيضيع عمر جديد وبيضيع ايام تانية ممكن تكون احلى ,,

 لما يجيلك فرصة اجرى بسرعة عليها ,, عيشها بكل ثانية فيها ,, التجربة اللى عشتها انت اختارتها ,,وكنت متفائل وكانت بداية جميلة  ,, وانتهت بوجع ..

ماتخافش انك تعيش تجربة تانية حتى لو بادئة بوجع ,, ممكن تنتهى بفرحة قلب ,, ممكن تكون وسيلة الخلاص من اللى عشته ,,

 الكلام بسيط والفعل اصعب بكتير بس حاول .. مرة .. واتنين .. وتلاتة ,, قرب وادى نفسك فرصة وساعتها بس هتقدر ..  

حول لحظات  (الألم ) للحظات ( أمل ) !