بنت عادية ~ أولي تجاربي باللغة العامية

قبل الشروق وقت الصبحية

اخدتني همومي لأمواج الشط الدهبية

قبل الصبح مايطلع وتبص الشمس عليا

قابلت فارس مجهول وسألني عن الهوية

رفعت عيني للسما بروية

قولتله يامالك الحب والحنية

اسأل القمر ونجوم السما عليا

أنا بنت العشرين صاحبة الاحلام الوردية

بعقل عجوز وقلب بنوتة شقية

تعدي في الحي يقولوا : صحيح . . ونعم الصبية

تضحك وتبتسم وفي عينيها دمعة متدارية

تبكي وتتألم لكن جواها مخبية

عاشت ايام صعبة لكن من صفحاتها مطوية

عشقت وهامت ولكن في القلوب منسية

تلاقي في عيونها دموع واشتياق وميت مرثية

يا فارس احلامي المجهول أنا بنت عادية

اسرتها ابتسامة وضحكة في عينيك مختفية

كل خوفها وهمها ان اللحظة دية

تعدي وتفوت وتفضل تاني وحدها مستنية

تمت

10-9-2010

8:00 p.m