2010/12/02

كلاكيت كرسي الاعتراف تاني مرة ^_^





وبناءا علي طلب الجميلة لوسي فقد قررت أنا واعوذ بالله من كلمة أنا ^_^ المدعوة كارمن ان اعترف اخيرا بدل ما تحبسوني ^_^ يلا نبدأ‎

أعترف اني باخد موقف بصعوبة وبروق واصفي بسرعة‎

أعترف اني مابعرفش اصد اي حد محتاجلي حتي لو جرحني كتير ولو رجع بعد الف مرة برضه بسامح‎

اعترف ان اكتر حاجة تخليني الغي شخص من حياتي هي انه يسقط من نظري وافقد احترامي له بعد مكانة عالية وصلها في قلبي كان مزيفها‎

اعترف ان الجراح بتعلمني كتير واني بحاول اقول للي جرحني شكرا انك علمتني بدل كلمة ارد بها كرامتي‎

اعترف اني بعشق الاطفال وبنسي نفسي وسطهم لو بي هموم الدنيا كلها ونفسي اجيب بنوتة واحدة تاخد كل حناني واهتمامي‎

اعترف اني من صغري شايل مسؤولية ودور كبير في البيت كبر سني قبل اواني وماعرفش لحد دلوقت دي حاجة حلوة ولا وحشة‎

اعترف اني بحب الوحدة جدا لكن بحب الاصحاب وصحبتهم في اوقات متفرقة خصوصا وانا مدايقة‎

اعترف ان كل اصدقائي المقربين كلهم عرفتهم من النت وعرفت منهم ناس قمة في الاحترام والوفاء والاخلاص بس برضه اكيد اتلسعت مرتين تلاتة من الكدب والخداع‎

اعترف انكم بجد بقيتم اقرب ناس لي برتاح وافضفض معاكم وعارفين كل انفعالاتي وافكاري‎

اعترف اني مش ملاك ولا مثالية بس بحاول اكون في الصورة اللي ارضي بها عن نفسي‎

اعترف اني صريحة جدا ومباشرة وبكره اللف والدوران وبحب كل تعاملاتي تكون بوضوح مع نفسي واهلي واصدقائي والمحيطين‎

اعترف ان الناس ممكن تشوفني غامضة او متحفظة لكن انا ابسط من كده بكتير ومعظم الناس بيستغربوا اما بيتعاملوا معايا ‎

والاعتراف الخطير ‏‏^‏‏_‏‏^‏‎

اعترف ان اتجرحت جرحين عملوا بيني وبين الحب حاجز عاوز شخص متفهم يحبني بجد عشان يقدر يكسره بس انا عندي احساس كبير ان الشخص ده موجود ‎

اعترف اني بيصعب علي نفسي جدا اذا حد ظلمني وممكن اقفل علي نفسي وابكي بالساعات لان دموعي قريبة جدا وانا وحدي بس صعب حد يشوفها دايما الناس تشوفني في منتهي القوة‎

اعترف ان الكتابة لي مش مجرد حروف في صفحة لكن حياة واحاسيس وكل كلمة كتبتها بتعبر عني بشكل او باخر‎

اعترف طيبة جدا بس مش عبيطة واذا حد افتكرني كده فهو في الاخر هيخسرني اما يعرف حقيقتي‎

اعترف اني قعدت علي الكرسي ده مرتين وعمري ما ازهق من كلامي معاكو‎

كفاية بقي عليكم زمانكم بتقولو البت دي قعدت عندنا كتير ^_^ ‏‎

السلام عليكم‎

Comments
37 Comments

37 comments:

سندباد said...

كارمن الرقيقة
سندريلا التدوين الجميلة نشكرك كثيرا لانك قربتينا من شخصيتك الجميلة دي وكلنا كنا متاكدين انك فعلا شخصية جميلة ورقيقة احساساك وكتاباتك دلت علي شخصيتك قبل اعترافك الجميل ده
ربنا يحققلك كل اللي تتمنيه وتبقي كل ايامك فرح وسعادة
دمتي بخير دائما
تحياتي الخالصة

Dr/ walaa salah said...

كارمن حبيبتي اعترافاتك جميله وصادقه وطالعه من قلبك

عجبني اوي الاعتراف ده

اعترف طيبة جدا بس مش عبيطة واذا حد افتكرني كده فهو في الاخر هيخسرني اما يعرف حقيقتي


عارفه يا كارمن اتخيلتك وقتها قطه جميله لكن اللي يقربلها ويحاول يضرها بتخربشه


اشكرك يا حبيبتي على اعترافاتك

Mohamed Amer said...

اعترافات تكاد تكون صادقة
isismylove.blogspot.com

Mona Abo - Elso3od said...

ارق سمسمة في الدنيا
اتمني ان لا اكون ممن سببوا لكي يوما جرح لانني اعترف لك بشعوري كثيرا بالذنب لانني اضغط عليك و احملك ما لا تطيقين من تقلباتي التي لا ذنب لك بها فاذا كنت من هؤلاء الذين جرحوكي يوما اعذريني

Tamer Nabil said...

اعتراف شرعى


اقربنا اكتر ليكى وبشخصيتك

ربنا يوفقك ويكرمك

مع خالص تحياتى

Casper said...

ادي الاعترافات ولا بلاش
ههههههههه

=======

اعترافات قوية جدا

تقبلي مروري
Casper

Tears said...

اعترفاتك جميلة

و واضح ان شخصية حساسة و رقيقة


دمتى بخير

هبة فاروق said...

اعترفاتك ارق من الفل والياسمين وان شاء الله ربنا حيرزقك بشخص يكون طيب زيك ويقدر قيمتك يا اغلى البنات

جايدا العزيزي said...

شخصيتك جميله اووووووووووى كارمن

ربنا يوفقك ويسعدك يارب

تحياتى

mrmr said...

اعترافات صريحه جدا جدا
حاسيت مصدقيتها
صرحتك عجبتنى قوى
ربنا يوفقك ويسعد ايامك يا اجمل وارق كارمن

خواطري مع الحياة said...

السلام عليكم
كل اعتراف احبك اكثر من قبل بجد شخصيه بسيطة ورقيقة وطيب
ربنا يوفقك ويسعدك كمان وكمان يارق بنوتة عرفتها
تقبلي مروري
سلامي لاجمل واطيب واحلى بنوتة.

أم هريرة (lolocat) said...

السلام عليكم
جزاك الله خيرا حبيبتى انك شاركتينا احساسك واعترافاتك للمرة التانية
انا عن نفسى كمان لقيت اصدقاء كتير فى عالم التدوين مالقيتهم فى الحياة

واضح انك انسانة حساسة حال اكثر الاصدقاء وواضح انك صريحة


اشكرك حبيبتى
يارب دايما رقيقة وجميلة

تحياتى لك
دمت بخير وسعادة ويارب يبعد عنك الاحزان

فــرآشـة زرقــآ said...

السلام عليكم ..

ربنا يوفقك غاليتي ،،

دمتِ بكل خير .

karmen said...

سندباد

ربنا يخليك ياسندباد
تسلم ع كلامك الرقيق
تحياتي

karmen said...

Dr/ walaa salah

ربنا يخليكي ياقلبي
انت اجمل
تحياتي

karmen said...

Mohamed Amer

اهلا بك في زيارتك الاولي
اتمني تكون المدونة عجبتك
شكرا ع تعليقك ووجودك
تحياتي

karmen said...

Mona Abo - Elso3od

ربنا يخليكي لي
ارق تحية لك حبي

karmen said...

Tamer Nabil

ربنا يخليك استاذ تامر
نورتني

karmen said...

Casper

اي خدمة ياسمسم ^_*
نورت ياباشا

karmen said...

Tears

انتي الارق حبي
تحياتي لوجودك الجميل

karmen said...

هبة فاروق

انا اللي مبسوطة جدا اني بفضفض معاكم ياحبي
تحياتي لكي

karmen said...

جايدا العزيزي

تسلمي ياقلبي علي رقتك وذوقك
نورتيني

karmen said...

mrmr

مرورة الجميلة
نورتيني
تحياتي لك ياقمر

karmen said...

خواطري مع الحياة

ده شرف لي ياحبي اني اتكلم معاكم واتعرف عليكم اكتر
نورتيني ياقلبي

karmen said...

أم هريرة (lolocat)

وعليكم السلام
انا اللي مفروض اشكركم عشان بتسمعوني وتقرأولي
تحياتي لرقتك وذوقك

karmen said...

فراشتي الرقيقة

لا سر يخفي عليك حبيبتي
دمت لي وبجواري
حبي واشواقي

أبو حسام الدين said...

للصدق هنا حيز ومكان، وأرى الأمل يطل برأسه من خلف ستار اعترافاتك، وشخصيتك بدت تضح لأكثرنا، إن شاء الله تجدين من يفهمك ويقدرك.. بالتوفيق إن شاء الله ولي هنا زيارات وزيارات إن بقي عمر بإذن الله

karmen said...

أبو حسام الدين

ربنا يخليك بجد علي تعليقك الرائع وكلماتك في حقي وسام علي صدري
تحياتي العطرة

أبو حسام الدين said...

العفو أختي لي شرف التوقيع هنا

karmen said...

أبو حسام الدين

الشرف لي بمرورك الرقيق
تحياتي العطرة لذوقك

Ms Venus said...

يعنى كارمن الجميلة الرقيقة هتعترف بايه غير باعترافات رقيقة وجميلة وحساسة زيها ؟

دمتِ جميلة ورقيقة يا حبيبتى

rose said...

جميل ياحبيبتي انك بتقربينا منك
يسلموا

Anonymous said...

جميل ياحبيبتي انك بتقربينا منك
يسلموا

karmen said...

Ms Venus

انت الارق حبي
نورتيني ياقلبي
تحياتي

karmen said...

rose

ربنا يخليكي ياحبي نورتيني

MTMA89 said...

شكله خطير جدا كرسي الاعتراف ده

لكن جميل ان الواحد من فترة لأخرى يصارح احبابه بجزء من الأسرار
و شخصيتك رائعة فعلا

اتشرفت بالرد في مدونتك

محمد
:)

karmen said...

اهلين بك يامحمد اكيد عندك حق والاهم اننا بنعرف بعض اكتر
نورتني

Post a Comment

عذرا على التاخر فى الرد على التعليقات ولكنى حتما ساعود لارد عليها لاحقا .. حقا اسفة بشدة

Related Posts Plugin for WordPress, Blogger...

Template by:

Free Blog Templates