2010/12/03

خطوبتي بكرة ^_^








شعرت تلك الفتاة الصغيرة ذات السنوات السبع بقلبها يتقافز داخل صدرها وهي تهبط على درجات سلم عمارتها في سعادة حتى وجدت أمامها جارتهم أمام شقتها فأسرعت نحوها وهي تصيح
طنط طنط .. باركيلي يا طنط عشان خطوبتي بكرة

ابتسمت المرأة في حنان قائلة:‏ ‏
دة يبقى يوم المنى يا حبيبتي

عادت الفتاة تتقافز وتهبط درجات السلم في مرح طفولي برئ


حتي قابلت صديقة والدتها تصعد لزيارتهم فصاحت في فرح : طنط .. مش أنا خطوبتي بكرة
ضحكت هي الاخري في مرح قائلة ‏:‏ وامتي الفرح ياتري ؟
حارت الفتاة فيما تعنيه ولكن سرعان ماعادت لمرحها وقبلتها ثم انصرفت

‎ظلت الفتاة تتقافز في سعادة وكلما قابلت شخص تعرفه قالت له انه خطوبتها غدا ‏, البعض يضحك في مرح والبعض يستعجب من امرها !‏


عادت الي المنزل وكانت صديقة والدتها قد هبطت فقالت لها بابتسامة كبيرة : طنط ماتنسيش تيجي بقي عند بتاع الدهب بكرة . ‏‎

حارت المرأة ولم تدري ما تريده الفتاة فسألتها قائلة ‏: مين ياحبيبتي قالك ان خطوبتك بكرة. ‏‎

أجابتها الفتاة في براءة ‏:‏ ماما ‏,‏ وهنروح بكرة عند بتاع الدهب عشان نجيب الخاتم . ‏‎



تعجبت بشدة وقررت ان تصعد لتستفسر عن الامر من والدتها فقالت : طب تعالي معايا ياحبيبتي . ‏

صعدت معاها وقصت لوالدتها ما تحكيه الفتاة ثم استئذنتها وانصرفت فجلست الام واحتضنت ابنتها قائلة : انا ياحبيبتي قولتلك ان بكرة خطوبتك ؟‎

اجابت الابنة في براءة ‏:‏ أيوة ياماما مش انتي قولتيلي ان احنا بكرة هنشتري خاتم لي . ‏‎



اجابت الام وقد بدأت تدرك الموقف قائلة ‏:‏ ايوة ياحبيبتي. ‏‎

فعادت الفتاة تتقافز قائلة:يبقي خطوبتي بكرة.‏ ‏‎

‏ -ومين قالك ان اللي يجيب خاتم تبقي خطوبته ؟
‏ ‏-انا شفت في الفيلم ياماما نها جابت خاتم عشان تتخطب.
ابتسمت الام في مرح وحنان وادركت ماتعنيه الفتاة تماما فاحتضنتها بقوة وجلست تفهمها الموقف وقد ادركت ان ابنتها قد كبرت وتحتاج الي مزيد من الرعاية ‏.

تمت
3/12/2010
1:30p.m

Comments
54 Comments

54 comments:

Dr/ walaa salah said...

الله قصه جميله يا كارمن

عارفه في الاول اعتقدت ان اهل الطفله دي هيجوزوها فعلا زي ما بنشوف من ناس معندهاش عقل

لكن طلعت طفله بريئه وبأفكارها البريئه

مشكوره يا كارمن على القصه

هبة فاروق said...

قصة جميلة يا كرملة تعنى ان كل طفلة تحلم بيوم الخطوبة والزفاف ففرحتها بشراء الخاتم ممتزجة بفرحتها بالخطوبة كما كانت تخيلاتها تتميز بالبرائة والعفوية
مشكورة يا قمر قصة لطيفة

Mona Abo - Elso3od said...

حلوة اوي بجد
واقعية فعلا البنات او الاطفال عموما بيربطوا الاشياء ببعض حسب خيالهم البرئ
و ياريت الاهل يتعاملوا مع الاطفال بوعي و فهم ويبسطوا لهم الاشياء علي حسب ادراكهم
مش يسيبوهم مش فاهمين و يقولوا بكرة يكبروا و يفهموا
تسلم ايدك يا سمسمة

mrmr said...

يا لابراءه الاطفال
ليت لنا قلب طفل
تسلمى يا اجمل كارمن

الحب الجميل said...

ههههههههههههههه
فى الاول بحسب خطوبتك انتى من العنوان
وداخله ابارك لك
مااااااااشى يا كارمن
خدعنى عنوان البوست
عقبال بوست فرحك
يارب



جميله القصه
تسلم الايادى

هنشوفك فى البؤجه ؟؟؟

يوميات شحات said...

أنا لما قرأت العنوان ظنيت أنها خطوبتك أنتي
عقبال عندك

eng_semsem said...

انا فرحت ليها والله
بصي حلم كل واحده وياريت تعرف تحافظ على حلمها وتنميه وربنا يوفقهم في حياتهم

sony2000 said...

يرااااااااادل
ههههههههههههههه
وانعمه افتكرتها خبر خطوبتك
يلا عقبال مانفرح فيكي
احم
اقصد..........بيكي:)

Casper said...

قصة جميلة وبسيطة
شعرت بتاغم وسلاسة في الاحداث

قصة رائعة كارمن
وفكرة جديدة
واسلوب متميز كما اعتدنا منكِ

بالتوفيق دائما
وفي انتظار ابداعات اخرى

تقبلي مروري
Casper

شيرين سامي said...

كنت لسه هكتبلك أكبر مبروك ههههه
قصه جميله و فيها تغير عن نمط كتاباتك السابقه بجد انت موهوبه و لسه هنتظر منك الكثير
تحياتي ليكي و عقبال خطوبتك:)

سندباد said...

دائما ما تاتي بكل جديد وجميل
دمتي متالقة ومبدعة دائما
خالص تقديري
تقبلي مروري

عباس ابن فرناس said...

اولا: القصة تعتبر خط جديد ليكى

ثانياِ: جميل لنك بتحاولى تصلتى الضوء على شى مهم جداُ فى حياة البشر والمجتمعات
وان كان باسلوب بسيط ومن زاويه مختلفه

تحياتى

أم هريرة (lolocat) said...

السلام عليكم ورحمة الله

جميل ما قرأته هنا حبيبتى
رائع اسلوبك
شىء من مكر الكاتب ودهاؤه الذكى فى محاولة ايصال النصيحة للأباء فى زيادة الانتباه لابنائهم ومراقبة مايمكن ان يشاهدوه وما لايينفعهم كصغار

والاطفال اصحاب الخيال الواسع امثال هذه الصغيرة فى حاجة لرعاية اكثير بالفعل

جزاك الله خيرا حبيبتى على قصتك الجميلة النافعة
احب مثل هذه الكلمات التى تترك فائدة ومنفعة للناس وليس مجرد كلمات ننشرها على صفحاتنا فقط

حقيقى رائع وجميل
ياريت تتبعى هذا الاسلوب وهذه الافكار للتوعية

تحياتى لك غاليتى
دمت بكل ود

karmen said...

Dr/ walaa salah

فعلا حبيبتي عندك حق كل بنت بتحلم باليوم ده وتتمناه
كمان مش لازم نستهون بالتلفزيون كمؤثر اساسي في تحديد مفاهيم ابناءنا
نورتيني حبي

karmen said...

هبة فاروق

انت الاجمل حبيبة قلبي
عندك حق فعلا انها تكون زوجة وام دي غريزة ربنا اودها في قلبها
تحياتي لوجودك الرقيق

karmen said...

Mona Abo - Elso3od

حبيبة قلبي تسلميلي ارق مني في الدنيا
تحياتي

karmen said...
This comment has been removed by the author.
محمد فخري said...

فكرة من أروع الأفكار فعلا وسر تألقها وتأثيرها إنها جديدة ومبتكرة ومكتوبة بأسلوب جذاب ومنسق جدا

بارك الله في قلمك

وتقبلي مروري

حرّة من البلاد..! said...

كارمن
عزيزتي كل يوم تبهريني في فكرتك
براءة الأطفال جميلة
وهم مبدعين في أفكارهم الخيالية
لكن مهم جدا انه الأهل ينتبهوا جدا لأطفالهم
ولما يشاهدونه في التلفاز
لأن الأطفال اسفنجة ماصة لكل ما حولها وكل شيء يؤثر في حكمها
تحياتي لأروع وأرق كاتبة

karmen said...

مرمورة الجميلة
ربنا يخليكي لي ياقلبي
نورتيني

karmen said...

الحب الجميل

ياريت يا أختي :))))
ربنا يسهل ياقلبي باذن الله اشوف بابا والاخوة العرب واكلمك
نورتي ياحبي

karmen said...

يوميات شحات

ادعولي وانا انزل الخبر بجد ^_^
نورتني

karmen said...
This comment has been removed by the author.
karmen said...

eng_semsem

اللهم امين
ربنا يخليك استاذ اسامة
نورتني

karmen said...

sony2000

:‏)‏))) ادعيلي تفرحو فيا قريب ^_^
نورتني

karmen said...

Casper

ربنا يخليك ياسمسم من بعض ماعندكم
نورت المدونة بمرورك
تحياتي

karmen said...

شيرين سامي

يااااارب ادعي بذمة وضمير ومن قلبك ^_^
تسلميلي ياقلبي
نورتيني

karmen said...

سندباد

ليس اجمل من كلماتك
شرف لي وجودك ومتابعتك الدائعة
خالص احترامي

اسماء عبدالعزيز said...

كارمن الجميلة
بجد قصة اكثر من رائعه ببرائة الاطفال
ولكن اعترف انى خدعت واعتقد ان البوست خاص
ابدعتي كالعاده ياقمرى
كوني بخير

فــرآشـة زرقــآ said...

السلام عليكم .

كعادتك غاليتي أبدعتي ..
فكرة ووصف وإحساس طفولي لا أجده إلا بقلبك ،

بتمنى هذا اليوم عن قريب إن شاء الله .

حبي واشتياقي .

Tears said...

جميلة و رقيقة كالعادة كارمن


دمتى بحب

Ms Venus said...

ههههههههههههه فى الاول افتكرت خطوبتك انتى يا ارق كارمن

وكنت جايو ناوية اعمل فرح هنا


جميلة ورقيقة القصة يا كارمن


واجمل ما فيها براءة الطفولة

وردة لعيونك يا ارق كارمن

افروديت said...

هههههه براءة نادرة الوجود ...عقبالك ياقمربس تكون خطوبه بحقيقي مش مجرد خاتم وبس...تحياتي ليكي

Noha Saleh said...

بجد قصة بسيطة اوى
وفيها معانى جميلة ووصلت بسهولة
بجد حلوة اوى

karmen said...

عباس ابن فرناس

فعلا كتاباتي في المجال ده قليلة
ربنا يخليك علي اشادتك الرقيقة
تحياتي لوجودك الجميل

karmen said...

أم هريرة (lolocat)

وعليكم السلام
ربنا يخليك ياقلبي علي رأيك الجميل
نورتي القصة ياحبي

karmen said...

محمد فخري

ربنا يخليك يادكتور مش اروع من افكارك
شكرا علي مرورك
تحياتي

karmen said...

حرّة من البلاد

حقا ابهرني تعليقك لانك اصبتي الهدف مباشرة وبلورتيه وصغتيه في سنفونية اجمل من قصتي
تحياتي لفكرك الراقي

طهر فؤادك said...

السلام عليكم ورحمة الله وبركاتة
قصة جميلة ومعبرة

وتقبلى مرورى الاول ومش الاخير ان شاء الله
وبارك الله فيكى

karmen said...

اسماء عبدالعزيز

ربنا يخليكي حبيبتي انت الارق والاجمل
نورتيني

karmen said...

فراشتي الرقيقة

ليس هناك اجمل منك او ارق من قلبك
دمت بجواري حبيبتي
تحياتي وحبي واشواقي

karmen said...

tears

تسلمي ع رقتك يا اجمل قمر في الدنيا
تحياتي العطرة

karmen said...

Ms Venus

اكيد مش هتخطب من غير ما اعزمكم ^_^
نورتي ارق فينوس في الدنيا كلها

karmen said...

افروديت

ياااااااااارب ادعولي بس ^_^
نورتي ياجميلة الجميلات
علي فكرة بحب اسم افروديت جدااااا

karmen said...

Noha saleh

اهلا ياجميلة
والله بتنوريني وبفرح اوي اما اشوف اسمك
تسلمي ياسكرتي

karmen said...

طهر فؤادك

وعليكم السلام ورحمة الله وبركاته
شرف لي زيارتك ووجودك الجميل
اتمني تكون المدونة عجبتك وانها ماتكونش الزيارة الاخيرة
انارت المدونة بقدومك
تحياتي

rose said...

جميلة يا سمسمتي
براءة ورقة الاطفال
يسلموا

موناليزا said...

بتحصل على فكرة:)

مدونة الأمل said...

ههههههههههههههه
فى الاول بحسب خطوبتك انتى من العنوان
وداخله ابارك لك

karmen said...

rose

تسلمي ياحبي
نورتيني

karmen said...

موناليزا

واكتر من كده كمان ^_^
نورتي حبي

karmen said...

مدونة الأمل

‏^‏_^
ممكن تباركلي برضه علي وجودك :)
تحياتي

كنوز القمم said...

إبداع قصصي غير طبيعي

واضح أنكي تجديدين فن اختيار عنوان الموضوع

كنت أريد أن أبارك بالخطوبة قلت يا ولد انتظر شوي ترى العجلة فيها الندامة.

سررت بهذا الأسلوب القصصي الرائع سواء كان إنشاءً أو نقلاً وأيضاً أعجبتني اللغة التربوية الراقية فيه فأولادنا يحتاجون للرعاية دائماً وحتى هم أجنة في بطون أمهاتهم يحتاجون للرعاية ومحادثتهم كما تبين الدراسات النفسية والتربوية.

ضحكت من قلب واستمتعت كثير هنا.

karmen said...

كنوز القمم

بجد كلام كبير اوي علي من استاذ زي حضرتك
ربنا يخليك ويقدرني دايما اكون عند حسن ظنكم
تحياتي وخالص احترامي

Post a Comment

عذرا على التاخر فى الرد على التعليقات ولكنى حتما ساعود لارد عليها لاحقا .. حقا اسفة بشدة

Related Posts Plugin for WordPress, Blogger...

Template by:

Free Blog Templates