اسمي اسما وطبعا الدلع سمسمة والنيك نام كارمن ^_^
عندي 20 سنة الا كام يوم ^_^
انا لسه بدرس في 3 كلية تجارة قسم محاسبة جامعة الازهر
فخورة جدا اني طالبة ازهر وشايفة ان ده كان له فضل كبير جدا في تنشأتي
بابا وماما سابونا كل واحد بني شخصيته بنفسه وتحملنا مسؤولية نفسنا من صغرنا لانهم كانو بيقضو وقت كبير جدا بره في الشغل
حاسة ان شغل ماما بعدها عني لانها صيدلانية فباستمرار كانت بتكون بره لذلك انا نفسي ظروفي ماتضطرنيش اني اشتغل واقعد اخد بالي من بيتي وجوزي واولادي
نفسي اجيب بنت واحدة بس وبصراحة مستصعبة تربية الاولاد
عندي اخ واخت اكبر مني متجوزين واخت صغيرة عندها 16 سنة تعتبر بنتي لاننا مش بنعمل حاجة الا سوا
ممكن اقول علي نفسي هادية بس لما بقلب بقلب بجد ونفس الحكاية بحب اوي واما بكره بكره اوي
هواياتي القراءة والكتابة طبعا وبحب جدا الخيال العلمي وافلام الرعب ^_^
الحمدلله ربنا هداني وبطلت اسمع اغاني بس ساعات كلمات اغنية تشدني فبجيب كلماتها بدل ما انحرف وارجع اسمعها تاني ^_^
بعشق الموسيقي الكلاسيك ودايما بحب اكتب وهي شغالة جنبي
اكتر اصحابي من النت وفعلا عرفت ناس محترمة جدا فوق الوصف
بالظبط كان في شهر 9 اللي فات بكتب من زمان جدا جدا بس كنت بخاف انشر او بتحرج انشر ماعرفش ليه , لحد ما اتعرفت علي صديقة جميلة جدا اسمها مريم عملتلي المدونة هدية وقالتلي هتكتبي يعني هتكتبي ^_^
انا لحد الان مش بعتبر نفسي مدونة او كاتبة علي الاطلاق لست اكثر من فتاة تكتب ماتشعر به وطموحاتي ان احساسي يوصل للناس وتشاركني فيه
اعتقد اني هفضل اكتب لحد ما افقد الاحساس لاني بكتب باحساسي ومشاعري فحين يتوقف القلب والاحساس سأتوقف عن التدوين :)
السؤال الخامس: اكتب عن شئ تحبه ؟
عاوزة اكتب عن امي
لاني مهما كتبت وقلت مش هيوفي حقها عليا
وبجد مش هقدر اكتب عنها كتير بس هقول كلمة واحدة انها لها الفضل الاول والاخير بعد ربنا سبحانه وتعالي في وجودي بالصورة اللي انا فيها
اعتبر امي رمزا للحنان والحب والاحتواء والصداقة والثقافة
وأحب ان ارسل لها كلمة واحدة وهي خير الختام
احبك يا امي لاخر قطرة في دمي !
شكر خاص لارق جايدا في الدنيا
احب انقل الواجب ل3 بس واتمني انهم يسامحوني ^_^
همسات قلب caspar
ارق فينوس في الدنيا
من كل بستان زهرة