ﻫﻞ ﺗﻮﻗﻌﺖ ﺛﻮﺭﺓ 25 ﻳﻨﺎﻳﺮ؟
اتوقعت الثورة فعلا وان الناس لازم هيجي عليها يوم وتتمرد علي وضعها وبدون خجل هقول اني اتوقعت عدم نجاحها بنسبة 90% وكنت بتمني العكس بكل ذرة في عقلي وقلبي اولا ما اتوقعتش ان الكل يشارك بالايجابية دي ثانيا وده الاهم خلينا صادقين مع نفسنا مش كلنا مؤمنين بربنا سبحانه وتعالي بصدق وبنراعيه في كل حاجة ونقضي فروضه صح يعني شكي كان في اننا مش بنعمل حاجة نستحق عشانها ان حياتنا تتصلح .
ﻫﻞ ﻛﻨﺖ ﻣﻦ ﺛﻮﺍﺭ ﻣﻴﺪﺍﻥ
ﺍﻟﺘﺤﺮﻳﺮ ؟
بصراحة لأ بس كنت اتمني اشارك بايجايبية اكتر من دعائي لهم كل دقيقة .
ﻣﺎ ﻟﻢ ﺗﻨﺠﺢ ﺍﻟﺜﻮﺭﺓ ﻓﻰ
ﺗﺤﻘﻴﻘﻪ؟
الثورة نجحت بلا شك في تحقيق اهدافها بس المرحلة دي اصعب من الثورة نفسها ربنا يعديها علي خير .
ﺍﻛﺜﺮ ﺷﻰﺀ ﻓﺮﺣﻚ ﻓﻰ ﻫﺬﻩ
ﺍﻟﺜﻮﺭﺓ ؟
اول مرة في حياتي اشوف الناس كلها بكل الفئات خارجة عشان هدف واحد وبيهتفوا بقلب رجل واحد ثم انضمام الجيش لهم بجد كانت اكتر حاجة فرحتني .
ﺍﻟﺸﺨﺼﻴﺔ ﺍﻟﺘﻰ ﺍﻋﺠﺒﺘﻚ ﺧﻼﻝ
ﺍﻟﺜﻮﺭﺓ؟
كل رجل شارك فيها بصدق سواء دعمها بوجوده او بقلمه او حتي بقلبه .
ﺍﻟﺸﺨﺼﻴﺔ ﺍﻟﺘﻰ ﺍﺣﺘﻘﺮﺗﻬﺎ
ﺧﻼﻝ ﺍﻟﺜﻮﺭﺓ ؟
ناس كتير اولهم سماح انور اللي قالت من خلال صفحتها ع الفيس بوك موجهة كلامها للحكومة الساقطة انتو ساكتين علي الثوار ليه ما تقتلوهم وترتاحو !
والاخ تامر حسني طبعا واللي عمله غني عن الذكر !
الاعلام المصري بكل اعضاءه وكل اللي خالفوا ضميرهم وذاعو اخبار مالهاش علاقة بالواقع بعدين رجعو غيرو الكلام بعد نجاح الثورة اولهم تامر امين .
ﺍﻃﺮﻑ ﻣﺎ ﺳﻤﻌﺘﻪ ﺧﻼﻝ
ﺍﻟﺜﻮﺭﺓ ﺗﻌﻠﻴﻖ ﻧﻜﺘﺔ ﺣﺪﺙ
ﺍﺧﺮﻯ ؟
اطرف حاجة شفتها كانت لافتة واحد رافعها كاتب عليها ( ارحل بقي ايدي وجعتني ) :))) .
ﺍﻟﻘﻨﺎﺓ ﺍﻟﺘﻰ ﺗﺎﺑﻌﺖ ﻣﻦ ﺧﻼﻟﻬﺎ
ﺍﻟﺜﻮﺭﺓ ؟
الجزيرة والحدث وكنت بشوف الاولي والمصرية اما يقطعوا الارسال واتحسبن عليهم .
ﺍﻟﺠﺮﻳﺪﺓ ﺍﻟﺘﻰ ﻛﻨﺖ ﺗﻘﺮﺃﻫﺎ
ﻟﺘﺘﺎﺑﻊ ﺍﻟﺜﻮﺭﺓ ﻫﻰ ؟
مكنتش بتابع جرايد كنت بتابع قنوات وفيس بوك قبل مايفصلوا النت .
ﺍﻟﻜﺎﺗﺐ ﺍﻟﻤﻔﻀﻞ ﺧﻼﻝ ﺍﻟﺜﻮﺭﺓ
ﻫﻮ ؟
جلال عامر
ﺍﻟﻤﺬﻳﻊ ﺍﻭ ﺍﻟﻤﺬﻳﻌﺔ ﺍﻟﻤﻔﻀﻞ
ﺧﻼﻝ ﺍﻟﺜﻮﺭﺓ ؟
مذيع ع الجزيرة بس بصراحة مش متذكرة اسمه كان استضافه تامر امين بعد كده وبهدله بسبب موقفه المزودج قبل وبعد نجاح الثورة .
ﻛﻠﻤﺔ ﺗﻘﻮﻟﻬﺎ ﻟﺸﻬﺪﺍﺀ ﻭ
ﻣﺼﺎﺑﻰ 25 ﻳﻨﺎﻳﺮ؟
يارتني كنت معاكم .
ﻣﻦ ﺳﺘﺮﺷﺢ ﻟﺮﺋﺎﺳﺔ
ﺍﻟﺠﻤﻬﻮﺭﻳﺔ ﻭ ﻟﻤﺎﺫﺍ ؟
مش شخص بعينه بس اتمني يكون انسان بيراعي ربنا سبحانه وتعالي في كل تصرف .
ﻟﻮ ﺍﺻﺒﺤﺖ ﺭﺋﻴﺴﺎ
ﻟﻠﺠﻤﻬﻮﺭﻳﺔ ﻣﺎ ﺍﻭﻝ ﺛﻼﺙ
ﻗﺮﺍﺭﺍﺕ ﻟﻚ ؟
خطة شاملة بتغير وتطوير كل مناهج التعليم
عمل منظومة متكاملة من الشباب للاستفادة بأرائهم في كل المجالات وتطوير افكارهم والاهتمام بمواهبهم
وعند تحسن الاحوال عمل مخصص لرفع مستويات المعيشات القليلة.
ﻟﻮ ﺍﻋﻄﻮﻙ ﻧﺼﻴﺒﻚ ﻣﻦ
ﺍﻟﻤﻠﻴﺎﺭﺍﺕ ﺍﻟﻤﺴﺮﻭﻗﺔ ﻣﺎ
ﺗﻮﻗﻌﻚ ﺍﻥ ﻳﻜﻮﻥ ﻧﺼﻴﺒﻚ ﻭ
ﻣﺎﺫﺍ ﺗﻔﻌﻞ ﺑﻬﺎ ؟
هحسن بها مستويا ومستوي اسرتي واولادي .
اخيرا شكر خاص استاذ ابراهيم رزق الذي اهداني هذا التاج
ثانيا امرر هذا التاج لكل شخص يحب يكتبه .