في مركب الذنوب ( بقلمي )

عايش الدنيا يمني شراع وشمالي شراع

الصديق والحبيب والاخ ترك وباع

حاسس نفسي لوحدي

الكل هجرني وسابني

ياتري العيب في مين

في نفسي ولا في التانين

لازم اشوف بنفسي

فين طريقي وأمشي

بصيت في الارض لقيت

نمل بدوس عليه بكيت

في قبري بكرة يدوس عليا

كل حته في جسمي يأكل فيا

اخدت العبرة وشفت الدنيا

اد ايه تافهة وفانية

بصيت يميني لقيت

موج وعواصف اتخضيت

في سريري اتغطيت واتخبيت

سمعت صوت بينادي يقول

امتي ضعفك وضلالك يزول

لامتي هتفضل عايش كده

ناسي اخرتك وحياتك بالشكل ده

قوم اتوضي وصلي ركعتين

اكسب طاعة ربك بدعوتين

انسي الناس والدنيا كلها

عيش حياة ماحدش عاش زيها

صلاة وصوم وحج وعبادات

سيبك من اللي راح وعدي وفات

قمت بسرعة بصيت في السما

لقيت نور بعيد. . . اتمنيت اللقا

من قلبي دعيت ربنا

يارب بحلم بالجنة

بين ايديك ارتاح واتهنا

اتوضيت وروحت صليت

بين ايديه وقفت بكيت

مش عاوز حاجة تاني من الدنيا

ان شالله اموت بعد ثانية

تمت بحمد الله

30-1-2010

11:00 a.m