أنا جيت ....
أكيد مفتقديني ومش عارفين تعملوا حاجة من غيري ^_^ ....
أكيد طبعا ياسمسمة ( اللهم زدنا تواضعا ) ^_^.....
أهم حاجة تكوني دعوتلي , من قلبكم وبذمة وضمير ونية خالصة ^_^ .....
بصراحة قعدت افكر اجيبلكم حاجة وانا جاية ماعرفتش اجيب ايه فقلت اجبلكم دي يارب تعجبكم .....
بس كل واحد ياخد واحدة بس ^_^
النهاردة مافيش البوست المعتاد بس حبيت افضفض معاكم شوية ....
الفترة اللي فاتت كانت صعبة جدا علي ....
أوقات الواحد بيحس بالوحدة وان كل الناس اللي بيحبهم مش جنبه ....
وأقرب الناس اللي بترمي تعبك عندهم مش جنبك ....
الوقت ده ماكانش جنبي غيرها :) , أمي ....
الانسانة الوحيدة اللي ممكن تشوف دموعي , واجري عليها أول ماحس بتعب ....
وكالعادة كلامي عنها مش هيكون الا نقطة في بحر ....
رغم انها عمرها ما اتدخلت في قرارتي لكن هي دايما معايا في كل خطوة .....
وبفضلها تجاوزت أزمات كتير جدا صعبها , مش عارفة مفروض اقول عنها ايه ولا ايه بس , ربنا يخليها ويبارك فيها ويحميها يارب ....
اشوفكم علي خير ...